Apirilak 18 – 2026 – 20:00etan
Apirilak 19 – 2026 – 19:00etan

ANTZERKIA | Estreinaldia Euskadin

LABURPENA: Autofikziozko antzezlan hau umoreaz baliatzen da trans bizipena aldarrikatzeko, lanaren sortzaile eta antzezle Pablo Alamáren bizi-esperientzia abiapuntu hartuta. Haurtzarotik helduarora atzera begirakoa eginez –eta benetako gertaeretan oinarritutako irudi eta elkarrizketen bidez–, piezak aurreiritzi gutxiagorekin eta galdera gehiagorekin bidali nahi zaitu etxera; izan ere, trans pertsonak ez daude entzerratuta ez dagokien gorputz batean, baizik eta babesten ez dituen ‘statu quo’ batean.

Alamáren beraren hitzetan: Nazkatuta al zaude aurrean duzun pertsonaren genitalez galdetzeaz? Urduri jartzen al zaitu norbaitekin elkartzekoa izatean gizon ala emakume den argi ez izateak? Zuri pribilegioak kentzeko konspirazio baten aurrean zaudela uste al duzu? Edo litekeena da “transekin arazorik ez izatea, baina…”. “Manual para follarse a un macho con vagina” antzezlanean egoera horiei aurre egiten eta ezjakin izateari uzten lagunduko dizut. Eman izena orain eta lortu % 50eko beherapena. Txantxetan ari naiz, hau ez da teledenda, adi! Umorea eta ironia erabiliz, nor naizen ulertzen ez ezik, aldarrikatzen ere saiatzen naiz, eta, hortaz, trans delakoaren inguruko esperientzia ugaritasuna ere.

Egilea, zuzendaria eta antzezlea: Pablo Alamá
Zuzendari laguntzailea: Pablo Villa Sánchez
Antzezpenaren zuzendariak: Antiel Jiménez eta Pablo Villa Sánchez
Plastika eszenikoa eta jantziak: Antiel Jiménez
Argiztapenaren diseinua: Ana López
Soinu-espazioa eta ikus-entzunezkoak: Pablo Alamá
Argazkigintza eta diseinua: Sofía Magán
Komunikazioa: Javier González, ADIRIA
Ekoizpena: Pablo Alamá eta Pablo Villa Sánchez
Lankidetza berezia: Marcus Massalami
Iraupena: 70 minutu

KONPAINIA: Pablo Alamák Kazetaritza ikasi zuen Valentziako Unibertsitatean eta, graduatu ondoren, Madrilera joan zen bizitzera. Bertan, ikus-entzunezko lokuzioan eta bikoizketan lan egin zuen, eta antzezle trebatu zen Replika Teatro eta Estudio Work in Progress eskoletan. Antzerkian eta zineman lan egin zuen, Fernando Colomo, Marta Nieto, Jose Padilla eta abarren zuzendaritzapean, eta sortzaile izateari ekin zion “Manual para follarse a un macho con vagina” antzezlanaren eskutik, eta, horren ondorioz, Cráter konpainia sortu zuen, 2023an. Diziplina anitzeko askatasun artistikoko espazio gisa definitu du, hizkuntza berriak esploratzeko, ‘antzerki’ hitzaren esanahia zabaltzeko eta intimotasunetik politikara bitarteko narratibak garatzeko kezkak bultzatuta.

Denbora gutxian, Cráter konpainiak lan-ildo koherentea finkatu du, begirada sozial eta inklusibo batek gidatuta, eta horrek “zeharkatzen gaituzten” errealitateak taularatzen ditu, laztasunez, zintzotasunez, umorez eta onberatasunez, ikusleek zentzua eman diezaioten. “Manual para follarse a un macho con vagina” ez ezik, “VACÍO” (2024) eta “Distrito Diógenes” (2025) sortu dituzte; azken hori, bitartekaritza, hiriko memoria eta metaketako proiektu hibridoa, espazio ez-konbentzionalak habitatzeko eta gailu bakoitza historiara egokitzeko apustua berretsi duena.