“TODO TERMINARÁ PARA NAVIDAD” | El Rayo Misterioso

(Argentina)

LABURPENA: Ekintza, ikur eta irrika dramatiko komunikatuen segida zorabiagarriak, burugabekeriak, erokeriak, pentsamendu alderraiak eta axolagabekeriak markatutako gizartearen egungo egoera irudikatzen du «Todo terminará para Navidad» piezak. Horren testuek, irudiek eta soinuek osaturiko hizkuntzak antzezleen erritmo dramatikoa indartzen du, eta jokabide tragikoen etengabeko errepikapenaren zaindari den inkontziente kolektiboa aurkezten du.

Testua, dramaturgia eta zuzendaritza: Aldo El-Jatib
Antzezleak: Exequiel Orteu, Marcelo Lavatelli, Leticia Beux, Josefina Valdes, Aldo El-Jatib
Eragiketa teknikoa: Maywa Vargas
Ekoizpena: El Rayo Misterioso
Iraupena: 75 minutu

KONPAINIA: Hiru hamarkadatatik gorako jardunbidea du Grupo Laboratorio de Teatro El Rayo Misteriosok, zeina Argentinako eszena independenteko erreferentziazko konpainietako bat den. Lengoaia eszeniko berriak ikertzea eta berrikuntzaren eta esperimentazioaren alde etengabe egitea dituzte bereizgarri taldearen lanek, eta ikuskizunen sorkuntza eta lan pedagogikoa eta kultura hedatzeko eginkizuna uztartzen dituzte.

Jardunbide horretan zehar, hogei bat muntaketa egin dituzte, 1.500 emanaldi baino gehiago aurkeztu dituzte eta Europatik eta Latinoamerikatik birak egin dituzte, nazioarteko jaialdi entzutetsuetan parte hartzen. Sari garrantzitsuak irabazi dituzte, bai Argentinan, bai Espainian, eta, horien eskutik, konpainiaren ospea sendotu egin da, haren antzerkiak, konprometituak eta indar adierazkor handikoak, ikusleak zein kritika bereganatu baititu.