Viviseccionados | Andaluzia 

Eskaintza bat nire oinazeetarako erabiltzen ditudan zenbait lasaigarrirekin. Nire etxea erreko balitz, salbatuko nituzkeen argazkiak lirateke. Mendeku gisa osasuntsuei botako nizkien sendagai pozoitzaileak dira.

Los planes de Dios lana konfinamenduan sortu zen, garai hartan, besteak beste, honako kontzeptu hauek lantzen baitziren: gaixotasuna; bakardadea; hitzen, mugimenduaren, musikaren eta ikus-entzunezkoaren bidezko sexualitatea edo maitasuna. Isolamenduaren iluntasunetik itsutzen duten argi autoritarioak dituen gizartera hurbiltzeko bidaia.

Udazkeneko Festibalari esker ekoitzi zen, eta kritikak definitu du “egoera kaltegarri batek ekarri duen okada sortzaile bezala”. Lana “erloju-bonba modura sortu da bi minuturo lehertzeko prest”.

Zuzendaritza, testua eta interpretazioa: José Andrés López
Soinu-artista: Carlos Gorbe (Tiananmen)
Ikus-artista: Virginia Rota
Artista plastikoa: Llé Godoy
Sormen-laguntzailea: Román Mendez de Hevia
Mugimendu-laguntzailea: Silvi Mannequeen
Argiak: Antiel Jiménez, Jorge Colomer
Ekoizpena: Udazkeneko Festibala

Viviseccionados konpainia 2015. urtean sortu zen Jose Andrés Lópezen dramaturgia, zuzendaritza eta interpretaziotik abiatuta. Sormen kolektiboetan aritu zen diziplina guztietako artistekin, gerora, bere ikerketa-bide propioa hartzeko. Hala, lanak estreinatu zituen, besteak beste, Udazkeneko Festibalean edo Echegaray Faktorian. Aintzatespenen artean azpimarratzekoak dira Madrilgo Sortzaile Gazteak saria, Teatro Autor Exprés SGAE saria eta Escènia sari publikoa. Lópezek bere lanak Cántico argitaletxean, Ediciones Invasoras izenekoan eta SGAE fundazioan argitaratu ditu. Halaber, azpimarragarria da dramaturgo modura beste konpainia batzuetan egindako lana, hala nola Cinco lobitos edo SER lanak. Azkenekoa Espainiako Antzokian ikusi ahal izan zen.