La Pacheca Collective | Euskadi
“Tarán trán. Transición. (Lluvia, grises y las 5.000 amantes del Rey)”
Trantsizioa berraztertzen da, gure haurtzaroko oroitzapenetatik eta beren oroitzapenez hitz egiten duten lekukoetatik abiatuta.
Umorean, hurbiltasunean, zentzugabekerian, musikan eta halabeharrezko ukitu tragikoren batean oinarrituta, hizpide izango ditugu errepresio ilunenean hezi duten emakume arruntaren harridura-begiradaz biluzte-garaiaren hasiera, Emerituaren 5.000 amoranteak eta Botsuanako elefantea, itxaropentsu eta aldarrikapenez bizi zen gazteriaren aurrean ultraeskuinaren urduritasuna, Estatuko Kolpearen arratsaldean Diputatuen Kongresuko tabernan “giroa”…
Norena izan zen kalea?
Nola gainditzen dira diktaduraren berrogei urteak?
Zuri-beltzez bizitako 40 urte.
Nola gelditu gara gizarte bezala “Tarán-Tran Transición…” honekin?
Nola izango litzateke Espainia diktadurarik eta, beraz, Gerra Zibilik gabe?
Zer izan genuen, errege frankista edo demokraziaren aita?
Iragana orainaz hitz egiteko erabiliko dugu.
La Pacheca Collectivek diziplina anitzeko lan hau aurkeztuko du, eta, xede horrez, haren begirada beste jatorri batzuk dituzten artistekin elkartuko du: María Ibarretxe, Nerea Aizpurua eta Consuelo Barrera Jofre.
Sormena, dramaturgia eta zuzendaritza: Bea Insa eta Ángel Mirou
Kanpo begia: María Ibarretxe
Aktorea: Bea Insa
Biolontxeloa: Nerea Aizpurua
Emanaldiak eta bideoa: Ángel Mirou
Argien eta jantzien diseinua: Consuelo Barrera Jofre
Espazio eszenikoa: La Pacheca Collective
Ekoizpena: La Pacheca Collective
LA PACHECA COLLECTIVE (Bilbo-Valentzia) Ángel Mirou egileak eta Bea Insa aktoreak bultzatutako proiektu artistikoa da. Biak ibilbide artistiko luzeko profesionalak dira. Euskadin eta Espainia guztian lankidetzan dihardute zenbait proiektutan Pako Revueltas, Consuelo Barrera, Nerea Aizpurua, Antonio Morcillo, Paul Stouthammer bezalako artistekin eta beste hainbatekin. Jarduketa-ildoak antzerki-ikerketatik antzerkian eta ikus-entzunezkoetan hizkuntza berriak bilatzera doaz.
2017. urtean hasi zirenetik, “PARADIGMA” (A. Mirou) antzezlana sortu dute, besteak beste, Bizkaia, Madril, Bartzelona eta Valentzian antzezteko. 2019an Liman Espainiako Kultur Etxea bisitatu zuten, eta Boliviako FITCRUZ19 nazioarteko jaialdian egon ziren. 2018an Camiselle (Á. Mirou) ekoitzi zuten, Bea Insaren zuzendaritzapean. Haurtxo lapurtuen gaineko krimenari buruzko antzezlana zen, eta Loli Astoreka eta Juanjo Otero egon ziren Euskadiko antzokietako agertokietan (Barakaldo, Gernika, Amorebieta-Etxano, Bilboko Arriaga Antzokia, non sarrerak amaitu diren). 2020an “Contado por ellas” estreinatu zuten. 2020ko bira eten egin zen COVID-19aren pandemiarengatik, beraz, “Hipólito-Revisión del mito de Fedra” Bea Insaren lan sarituarekin linean emankizunak egiteko aprobetxatu zuten. Horri esker, lehen kritika nazionala jaso zuten Huffington Post egunkarian. Emankizunei eutsi zieten CONTADO POR ELLAS lanarekin Sevillan (CENIT jaialdian finalista), Bartzelonan, Logroñon, Galdakaon, Maldàn (Lleida), Bilboko Bizkaia Aretoan… Bogotáko MUJERES EN ESCENA POR LA PAZ nazioarteko jaialdian hautatu zen. Horrez gain, Espainiako Enbaxadaren bidez Memoriaren Zentroan eta Medellínen antzeztu zen. Bisitatu dituzte Madrilgo Tarambana Aretoa, MUJERES QUE CUENTAN jaialdia, Bilboko Arriaga Antzokia, Café de las Artes (Santander)… Apirilaren amaieran Frantzian frantsesez “Contado por ellas” estreinatuko dute.