OLIGOR Y MICROSCOPIA | Nafarroa-Mexiko

Irudimenean paradisu baten ideia finkatzen duten momentuen eta objektuen deskonposaketa bat da La melancolía del turista. Oporretako zenbait lekutan egindako landa-lanaren emaitza da: leku horietan, adimenaren fantasia horren goraldiaren eta gainbeheraren aztarnak jaso zituzten. Zenbat segundo behar dira paradisu bat eraikitzeko eta galtzeko? La melancolía del turista behinola goretsi zen baina dagoeneko existitzen ez den (edo agian inoiz existitu ez zen) paisaia baten intentsitatearen ostean geratzen denaren espejismoen galeria da: denboran lausotzen den gorputz bat, memoriaren hondarren bidez bakarrik berpizten dena. Horrexegatik, atsedenaz daukagun ideian sortzen diren irudien bizia auzitan jartzen dugu horrela. Baina malenkonia, modu berean, aldarte bat da, salbuespenarekin batera doana; indar aktibo bat da, gauzen inertzia hausten den denbora-tarte horietan gauzak eta geure burua berrasmatu nahi izatera gidatzen gaituena.

Sortzaileak, errealizatzaileak eta antzezleak: Shaday Larios y Jomi Oligor
Kolaborazio poetikoa: Ángel Hernández
Asmakizunezko kolaborazioa: Ivan Puig y Jordi Fondevila
Kolaborazioa musikan eta soinuan: Suetszu & Jayrope
Eskerrik asko, bihotzez: Guillermina Delis Barrientos, Juan Obregón “El peque”, L’animal a l’esquena, Taller 30_SMA, Jordi Fondevila, Yanisbel Martínez, Claudio y Charo, David Continente, Gilberto Esparza, Cabo San Roque, Violeta Gil, Lirio y Martín, Aitor, La uÑa RoTa.
Ekoizleak: Iberescena, Festival GREC, Microscopia y Oligor
Ikuskizun hau mugen alde bietako PYRENART kooperazio-proiektuaren onuradura da, Interreg V-A Espainia-Frantzia-Andorra programaren bidez (POCTEFA 2014-2020) Interreg V-A España-Francia-Andorra POCTEFA 2014-2020.

Oligor y Microscopía konpainiak objektu dokumentalen, automaten, mekanismoen eta miniaturen antzerkia ikertzen du. Jomi Oligor (Hnos. Oligor – Nafarroa) eta Shaday Larios (Microscopía Teatro – Mexiko) 2013an elkartu zirenean sortu zen: bi sortzaile hauek elementu bizigabeak agertokian erabiltzeko moduak arakatzen dituzte. Lehenak, begirada plastiko batetik eta ingeniaritza poetikotik; bigarrenak, bere ikasketa filosofikoen eraginpean, gauzen oroimenarekin eta eskala txikiko esperimentazioarekin zerikusia duten gaiak jorratuz.
Elkarrekin, objektu dokumentalen antzerkiko zenbait laborategitan irakasle izan dira. La máquina de la soledad (www.lamaquinadelasoledad.org) sortu zuten: objektu-kartaren bilaketa luzea. Baita ere El Solar. Agencia de Detectives de Objetos, Xavier Bobés objektuen antzerkigilearekin batera, lurraldeko eta kultura materialeko praktiken proiektua. Horrekin, hiru kasu ebatzi dituzte (www.agenciaelsolar.org).